• |
• English

• Kreu
• |
• Indeksi

Intervista e Ministrit ne TVSH per informalitetin

Pyetje : Zoti Minister, ne menyre te perseritur, qeveria ka deklaruar se viti 2007 do te kete si prioritet luften kunder informalitetit. A keni ju nje strategji te sakte ne lidhje me kete fenomen  ?

Pergjigje - Eshte e vertete qe per qeverine aktuale nje nder 3 problemet e medha qe kane te bejne me procesin e integrimit dhe perafrimit te Shqiperise ne kuader te MSA-se ka te beje pikerisht me eliminimin e informalitetit. Ne te gjitha raportet dhe konsideratat e meparshme, sipas inspektimeve ne bera ne Shqiperi dhe opinioneve qe jane ne lidhje me Shqiperine, informalitetit paraqitet si nje nga treguesit me problematik si dhe nje nga pengesat me te medha per nje perafrim te shpejte.

Sigurisht qe lufta ndaj informalitetit nuk eshte thjesht strategji, thjesht nje objektiv ne vetvete, por lufta ndaj tij sherben ne fund te fundit ne krijimin e nje ambienti sa me te mire pro biznes dhe per te krijuar rregullat e lojes ne nje treg konkurrues. Kjo do te thote me shume hapesira per te gjithe aktoret qe ne menyre konkurruese me njeri-tjetrin mund te kontribuojne ne zhvillimin e shpejte te vendit.

Aktualisht konkurrenca ka qene e demtuar per shume motive dhe per shume arsye, aspektet ligjore kane po ashtu pergjegjesine e tyre, peshen e tyre dhe ne jemi duke ecur pikerisht ne tre drejtime:

• Se pari duke ulur nivelin e taksave ; (Kemi pergjysmuar gati te gjithe nivelin e taksave, ne krahasim me nje vit me pare, perfshire ketu edhe strategjine qe kemi per kete vit. Ku mendohet te kalojme ne nje takse te sheshte prej 10 perqind te Tatimit mbi fitimin, nje ulje dy here e gjysem tatimin mbi biznesin, ne krahasim me ate qe gjetem ne 2005-en. Sikurse jane ulur te gjitha taksat e tjera qe kane te bejne me barrierat doganore, taksen mbi biznesin e vogel, apo tatime dhe taksa te tjera qe kane lehtesuar biznesin. E gjithe kjo ulje e ngarkeses fiskale ka pasur si objektiv qe te ulen ato pengesa, per te ftuar biznesin qe ai te marre ne menyre te ligjshme, legjitime, ne menyre transparente pjese ne kete ekonomi, ne kete treg dhe te dale nga informalitetit dhe ekonomia gri e Shqiperise
• Krahas saj, ne kemi ndermarre edhe disa reforma rregullatore qe kane per qellim te ulin ditet qe i kerkohen biznesit per te kryer procedurat burokratike, per te hyre apo per te dale ne treg. Nga 40 dite qe konsiderohet si kostoja me e larte ne rajon per te hyre ne treg, ne kemi programuar qe kostoja te ulet me 1/3 duke e cuar ne 8 dite kohen e procedurave burokratike. Jemi duke testuar nese kjo mase e ndermarre, pakesimi i licencave dhe patentave qe kemi bere gjate kesaj periudhe, po aplikohet ne menyre korrekte dhe nese biznesi eshte komod me administraten publike.
• Nga ana tjeter, krijimi i nje ambienti te tille miqesor ndaj biznesit, qe ka te beje me uljen e taksave dhe permiresimin e sherbimit administrativ kerkon nga ana tjeter edhe eliminimin e asaj pjese te biznesit qe per arsye apo motive nga me te ndryshmet, per shkak te pozicioneve te tyre apo instrumentave qe perdoren ne debatin e pergjithshem edhe ato te mund te sillen dhe t'i nenshtrohen te gjitha rregullave, te njejtave taksa dhe te kontribuojne ne menyre te barabarte si te tjeret.

Ne jemi pikerisht ne kete faze, qe te menjanojme pjeset abuzive te ekonomise dhe te rrisim masat ndeshkuese ndaj kesaj pjese te ekonomise e cila vazhdon te mos funksionoje ne menyre transparente, te mos i nenshtrohet rregullave te lojes, te mos i nenshtrohet ligjeve. Per te shmangur kete situate kemi ndermarre nje pakete ndryshimesh, qe do te vijoje me te tjera ndryshime dhe permiresime te kuadrit ligjor. Do te ribejme teresisht ligjin per Procedurat Tatimore, do te kemi permiresime te metejshme po ashtu per sa i takon borxheve te vjetra qe kane kompanite ndaj buxhetit te shtetit dhe qe jane ne shuma teper te medha, rreth 400 milion USD jane ne administraten tatimore dhe 40 milion UD jane ne administraten doganore. Ne mendojme qe gradualisht duke ulur barren fiskale, barrierat per te hyre ne treg dhe duke pakesuar burokracite per te hyre dhe dale nga tregu, te mundesojme qe keto ligje dhe keto rregulla te zbatohen ne menyre uniforme nga te gjithe ata qe duan te jene aktiv ne nje treg konkurrues.

Pyetje :  Megjithate z. Bode ka patur mjaft debate dhe interpretime te ndryshme, ne lidhje me disa kontrolle qe tatimet kane ushtruar ndaj disa subjekteve. Cfare agrumentesh jepni ju, qe keto kontrolle nuk jane te parcelizuara ne disa biznese te caktuara?

Pergjigje - Jemi duke kontrolluar dhe brenda 3 muajve te pare te ketij viti kemi ushtruar kontrolle ne 1800 biznese. Kemi detyrimin ligjor qe ne 20 mije tatim paguesit e medhenj ne cdo 5 vjet, te mos bejme thjesht nje vizite fiskale por nje kontroll te thelluar. Ne jemi duke u marre me ato kompani, te cilat ne 5 vitet e kaluara nuk kane pasur nje kontroll te plote, te thelluar dhe per kete vit jane programuar 5 mije kontrolle. Ne kete menyre ne kapercejme kete prapambetje me keto biznese dhe nga ana tjeter plotesojme detyrimin tone ligjor, duke mundesuar zbatimin e njejte te ligjit.    

Nga rreth 1800 biznese qe ne kemi kontrolluar, ne 3 mujorin e pare dhe te cilat sigurisht kane dale me probleme ne saktesine e zbatimit te ligjeve dhe pagimit te taksave prej tyre, ka disa biznese te vecanta te cilat per shkak te pozites se tyre dominuese edhe mediatike ne treg, kane bere perpjekjet e tyre per te mos iu nenshtruar kontrolleve, per te penguar kontrollet dhe per te devijuar nje kontroll teresisht teknik dhe fiskal ne nje beteje politike. Kjo ka qene edhe ne interes te opozites ne kete periudhe per te krijuar furtune ne nje gote uji, por qe ne te vertete nuk ka asnje lidhje me to. Fundi i kontrollit do te tregoje saktesine e zbatimit te ligjit nga keto kompani dhe gatishmerine e tyre per t'ju nenshtruar rregullave dhe ligjeve te njejta.

Ju faleminderit!