Sot, Ministria e Financave nënshkroi nje marrëveshje kredie me terma shume te buta me Banken Europiane per Rindertim dhe Zhvillim, per te vijuar financimin e nje nga projekteve me kyce te infrastruktures rrugore te vendit, ate te Rrugeve Dytesore dhe Lokale. I gjithë Programi pritet të financojë nga 1,000 – 1,500 km rrugë rajonale dhe lokale, me nje kosto rreth 300-400 milion US$. 

Objektivi i Programit është të përmirësojë përqasjen ndaj shërbimeve kryesore dhe tregjeve ekonomike nëpërmjet sigurimit të rrugëve të përshkueshme gjatë gjithë vitit për popullsinë, duke përfshirë:

(i)                  përmirësimin e seksioneve prioritare të rrjetit rrugor rajonal;

(ii)                përmirësimin e seksioneve prioritare të rrjetit rrugor lokal; dhe

(iii)               forcimin e menaxhimit të rrjetit të rrugëve rajonale dhe lokale.

Ky objektiv perfshihet në objektivat e Strategjise Kombetare per Zhvillim dhe Integrim 2007-2013.

Projekti do te bashkefinancohet respektivisht me 50,000,000 Euro nga Banka Europiane per Rindertim dhe Zhvillim (marrëveshja e kredise e nenshkruar sot); 50,000,000 Euro nga Banka Europiane e Investimeve (BEI) qe do te nënshkruhet se afermi ; dhe 33,000,000 Euro nga fondet e Instrumentit te Para Aderimit IPA 2010/2011. Gjithashtu, nje grant prej 4,000,000 Euro do te sigurohet nga Fondi i Investimeve te Ballkanit Perendimor (FIBP) per te mbeshtetur zbatimin e projektit, cka e ben paketen totale te financimit shume te bute.

Kredia e BERZH-it do te jepet ne dy transhe (pjese), nga 25,000,000 Euro, me termat ne vijim:

• Shuma totale e financimit:            50.000.000 Euro;
• Interesi:                                      bazuar ne normat e tregut;
• Komisioni:                                  1% mbi shumen e kredise;
• Tarifa e angazhimit:                     0.5% vjetor;
• Maturimi:                                    15 vjet;
• Periudhe pa pagese principali:  3 vjet.

Projekti do të zbatohet për të gjithë komponentët e tij nga Fondi Shqiptar i Zhvillimit (FSHZH) i cili është përzgjedhur për realizimin e këtij projekti bazuar në përvojën e madhe në zbatimin e projekteve të infrastrukturës, të financuara nga Banka Botërore dhe donatorë të tjerë, që nga krijimi i saj në vitin 1993.