Zëdhënësi

Ministria e Financave përgënjeshtron informacionin e shpërndarë sot në disa media të shkruara dhe elektronike se punonjësve buxhetorë do t’u ndalohet 10 % e pagave me qëllim mbledhjen e kontributeve për ngjarjen e Gërdecit.

Duke theksuar se derdhja e kontributeve është një iniciativë dhe angazhim personal për çdo shtetas, Ministria gjen rastin të kujtojë se qeveria ka hapur numra llogarie zyrtare në Bankën e Shqipërisë dhe bankat e nivelit të dytë për dhënien e ndihmave nga çdo individ dhe institucion privat apo publik, sipas dëshirës.

Ministria e Financave përshëndet të gjitha ato banka dhe media që po bëjnë sensibilizimin e opinionit publik dhe kanë kontribuar edhe vetë në numrat zyrtarë të llogarive të hapura nga qeveria për këtë qëllim.